(Tugu Mayor Surotokunto anu lawas, ayeuna geus diganti ku nu anyar di handap ieu)
SUROTOKUNTO
Ieu tugu keur mieling Mayor Surotokunto anu diculik ku Laskar Rakyat Djakarta Raya (LRDR) saeunggeus ngayakeun rundingan di Kedung Gede Bekasi.
Basa rundingan Kedung Gede di tengah taun 1947, nyaeta Menteri Pertahanan RI mutuskeun nyieun Detasemen Gerak Cepat keur ngahijikeun wadah pajoangan rahayat, tempatna di Karawang anu anggotana aya 150 urang, nyaeta ti BPRI, PBRI, PESINDO, Laskar Buruh, Hizbullah, jeung Sabilillah, maksudna supaya ngahiji teuaya salah paham jeung pihak TRI. Ngan dina eta rundingan Laskar Rakyat Jakarta Raya anu keukeuh nolak ngajiji.
Kaayaan jadi genting basa LRDR anu aya di Cikarang jeung Lemahabang terang-terangan nyerbu pos-pos TRI, anu ngabalukarkeun bentrok senjata di sabudeureun Kedung Gede jeung Lemahabang. Kitu deui salah sahiji Laskar Rakyat nu aya di Lamaran anu di kokojoan ku Sujono ngangseg ka Karawang ngagabung jeung Laskar sejen, anu maksudna hayang ngarebut jeung ngawasa kota anu aya dina leungeun TRI.
Komando Keamanan Kota (K3) Karawang teu wasa nyanghareupan pihak LRDR anu nimbulkeun kakacoan dimana-mana. Dina eta kaayaan Komandan Resimen IV TRI Mayor Surotokunto, samulangna tina rundingan di Kedung Gede diculik ku Laskar Rakyat Jakarta Raya di Rawagabus-Klari.
Ku ayana sikap LRDR ngamusuhan TRI, kapaksa TRI ngerahkeun kakuatan keur nggempur gorombolan laskar rahayat, sabab teges-teges hianat kana Proklamasi Kamerdekaan 17 Agustus 1945.
Perang campuh kajajadian salila 2 poe. Ampir kabeh laskar rahayat anu aya di Karawang mantuan gorombolan keur ngalawan TRI, iwal ti Detasemen Gerak Cepat anu teu biluk ngamusuhan TRI. Dina eta karusuhan teu saeutik anu jadi korban, eta akibat tina kasalahpahaman anu teu kudu kajadian dina mangsa bangsa keur diuji supaya nigkatkeun perjuangan dina magsa nyanghareupan Imperialise Walanda.***
Tidak ada komentar:
Posting Komentar